日本長野縣輕井澤地區係一個知名嘅渡假勝地，全年都有好多遊客嚟感受呢度嘅魅力！今日AsiaYo除咗輕井澤之外，仲會同大家分享長野縣松本城、白馬五龍滑雪場附近嘅酒店，裡面仲有舒服嘅溫泉同游泳池，如果唔想錯過呢啲極致享受，就一齊嚟睇下今日嘅介紹啦！

長野酒店選址懶人包

除咗去富士山河口湖、箱根溫泉酒店，長野縣嘅輕井澤都係好多人plan東京自由行時必去嘅景點，同時附近嘅滑雪場都係每年冬季滑雪發燒友嘅熱門目的地。今日AsiaYo為大家整理咗份長野酒店選址懶人包，無論係想感受度假嘅療癒感，定係想體驗滑雪，都冇問題！

住宿地點	特色說明
🌲輕井澤	輕井澤由以前到而家都係日本超熱門嘅度假勝地，呢度一年四季嘅溫度都好涼爽，老街仲有好多歐式風格嘅建築物，真係值得花時間喺度慢慢行下㗎！
🏯松本城	有烏黑外觀嘅松本城係日本國寶級嘅歷史建築。呢座建築最特別嘅就係總共有五層天守，如果上到天守閣仲可以望到遠處嘅阿爾卑斯山脈景色添！
⛄白馬五龍滑雪場	白馬五龍滑雪場可以話係日本最熱門嘅滑雪聖地，呢度總共有唔同難度嘅滑雪場，所以就算係新手嚟練習都好啱。

---

🎿 輕井澤酒店推介 🎿

📌【星野集團】BEB5 輕井澤｜木質調設計

一打開房門，就即刻感受到房間同周圍環境融合嘅木質調設計，成個環境都好光猛舒服。中庭位置仲有個好有文青風嘅戶外空間，超推薦可以約埋班好友嚟呢度放鬆度假。

📌APA酒店 輕井澤站前 輕井澤莊

APA酒店 輕井澤站前 輕井澤莊真係好貼心，除咗幫大家準備齊基本嘅梳洗用品之外，房入面仲有個超大全身鏡，等你出門前可以輕鬆整理一下儀容。

📌輕井澤萬豪酒店｜日式溫泉、寵物友善

輕井澤萬豪酒店裡面設計咗好多舒服嘅地方，例如：大眾溫泉池、露天風呂，同埋超舒服嘅SPA。除此之外，呢間酒店仲係間寵物友善酒店，如果想帶埋屋企隻寵物一齊嚟輕井澤度假都完全冇問題㗎！

📌舊輕井澤桔梗Curio希爾頓精選酒店｜近舊輕井澤銀座通

舊輕井澤桔梗Curio希爾頓精選酒店就喺舊輕井澤銀座通隔離，想去附近嘅聖保羅教堂參觀定係去大街行街都好方便。呢間酒店仲特登整咗間健身房，等你食完美食之後，都可以做下運動。

📌輕井澤森林別墅酒店｜森林系villa

嚟到呢個被大自然包圍嘅長野酒店，每間都係北歐風格嘅小木屋，有好高嘅天花令成個空間睇落更加闊落同大氣。喺戶外休息區仲有超正嘅躺椅，完全可以幫大家實現浸溢喺大自然芬多精嘅夢想。

---

🦆 松本城酒店推介 🦆

📌【星野集團】界 松本｜和式風格房型

【星野集團】界 松本保留咗最地道嘅日式傳統風格，無論係日劇入面成日見到嘅榻榻米、和室椅呢度都齊晒。除咗吸引嘅房間設計之外，嚟到呢度最唔可以錯過嘅就係酒店入面嘅溫泉，有室內同室外嘅浸溫泉區，等你可以享受兩種完全唔同嘅體驗。

📌松本Celecton酒店｜精緻餐食

松本Celecton酒店就喺松本城附近，只要拉開窗簾就睇到呢座歷史建築嘅英姿。如果你對食物特別講究嘅話，呢度嘅早餐真係超豐富，好似：濃郁嘅咖喱飯、玉子燒、傳統嘅味噌湯喺呢度都搵得到，一定食到你飽飽先出門探險。

📌Iroha Grand酒店 松本站前

喺松本站附近嘅Iroha Grand酒店，真係畀嚟長野自由行嘅旅客帶嚟好多方便！唔單止行路就到站到酒店，仲有外幣兌換機，如果你日幣帶得唔夠嘅話，喺酒店就可以輕鬆換錢。

📌Richmond酒店 松本

Richmond酒店 松本唔止喺房間嘅規劃上好用心，連公共空間嘅營造都好講究。呢度提供咗啲好似：公用電腦、熨斗、微波爐同自助洗衣，住喺呢度就好似喺屋企咁方便啊~

📌松本丸之內酒店

未行入房間，已經會被松本丸之內酒店嘅外表嚇一跳！酒店外觀同周圍嘅建築好唔同，有濃厚嘅西式風格。而餐廳入面都係咁嘅設計，由燈飾到地毯都充滿華麗感，喺呢度食飯一定好有feel。

👀 睇下更多松本城酒店推介

---

🎿 白馬五龍滑雪場酒店推介 🎿

📌Traumerei酒店｜夢幻童話風格

Traumerei酒店特別嘅地方係佢有好似童話故事咁嘅尖拱形屋頂設計，無論係公共空間入面嘅磚造裝飾風格，定係戶外樹林區舒服嘅觀景枱櫈，個種放鬆嘅感覺就好似自己飛咗去歐洲度假咁~

📌白馬Sierra度假酒店｜鄰近白馬岩岳滑雪場、露天溫泉浴池

講到白馬Sierra度假酒店，無論係冬天定夏天都好適合住。喺冬天滑雪旺季嗰陣，由呢度可以好快就到滑雪場，滑雪完之後酒店仲有舒服嘅溫泉。如果係熱辣辣嘅夏天嚟呢度，因為喺山上面，所以個溫度好涼爽，仲可以去酒店嘅泳池玩水添！

📌白馬萬怡酒店

嚟到白馬萬怡酒店，呢度去滑雪場嘅路程好方便，因為冬季同夜晚由於地形嘅關係會比較寒冷，酒店貼心咁為大家準備咗好多種溫泉、暖氣同加濕器，就算係天氣凍嘅日子身體都可以保持暖笠笠。

👀 睇多啲白馬五龍滑雪場酒店推介

👀 睇多啲長野住宿推介

以上就係今日長野酒店嘅介紹！除咗輕井澤之外，其實喺東京近郊仲有好多地方好適合花個一到兩日嚟個放鬆旅程，好似：箱根溫泉酒店、河口湖賞景酒店或者係山中湖酒店，如果都想體驗呢啲放鬆嘅住宿嘅話，就快啲上AsiaYo訂購啦，而家登入會員仲有特別優惠㗎！

✅ 如果你都喺尋覓值得打卡嘅住宿體驗，記得嚟AsiaYo下單啊！而家使用【AsiaYo APP-點我下載】下單，有讀者專屬優惠，結帳輸入【AYFAN】就可以即時抵3%，最高抵$500！關注AsiaYo，同我哋一齊體驗美好，環遊世界啦！

 

---