嚟到韓國購物天堂首爾，揀啱交通方便嘅酒店住宿好重要！咁樣你先可以輕鬆來回各大購物區，瘋狂購物嗰陣都唔使擔心攰。不過首爾購物區咁多，應該揀邊間首爾酒店好呢？AsiaYo為你精選首爾各區嘅購物同酒店特色，仲推介啱你嘅首爾住宿，一定幫到你計劃行程同住宿安排！

首爾酒店區域選擇攻略

首爾酒店咁多，邊間先至最啱自己嘅需求呢？AsiaYo為你整理咗首爾酒店區域選擇攻略，幫你計劃韓國自由行，唔使再喺茫茫大海度搵住宿地點！

酒店區域	酒店特色
明洞	住喺明洞附近，除咗有逛唔完嘅美妝、服飾店，更方便嘅係好多機場巴士會直達明洞站，甚至停喺附近嘅明洞酒店，等你落機之後唔使拖住行李到處轉車。
東大門	東大門有好多零售、批發嘅商場，仲要平到爆，一唔小心就會買到癲！住喺東大門附近酒店可以買完嘢即刻返酒店，唔使提住大包細包到處行。
鐘路／清溪川	鐘路／清溪川附近有景福宮、北村韓屋村等文化景點，周圍仲有好多平價小食，想體驗最地道嘅韓國文化，揀住喺鐘路／清溪川附近酒店係最啱嘅選擇！
弘大／新村	弘大係首爾年輕人鍾意聚集嘅地方，有好多時尚潮牌、咖啡廳等，同時仲有好出名嘅夜店，想享受首爾夜生活嘅朋友可以揀弘大附近酒店，唔使擔心玩得太夜冇車搭。
首爾站／市廳	仁川機場、金浦機場都有機場快線可以直達首爾站，交通好方便！如果今次韓國行想同時去釜山、麗水等其他城市，大部分嘅KTX、火車都會由首爾站開出。
江南／汝矣島	江南區唔止係集中咗高級購物中心、精品店，好似奧林匹克公園、蠶室室內體育館等 K-POP演唱會場地都喺呢度，嚟聽演唱會嘅粉絲揀江南區酒店，唔使理太夜冇車，偶像想安哥到幾點，就幾點先返去！

🌃明洞酒店推介

宜必思尚品明洞首爾大使酒店

宜必思尚品明洞首爾大使酒店有好多休閒設施服務，好似可以欣賞城市景觀嘅頂樓酒吧、現代化嘅運動健身中心等。周圍附近嘅交通都好方便，最近嘅地鐵站有明洞站同忠武路站。

明洞克里多酒店

明洞克里多酒店嘅位置就喺明洞商圈外圍，行幾步就到明洞街。從機場嚟嘅朋友淨係要搭機場巴士喺明洞站落車，行5分鐘就到酒店，唔使拖住行李咁辛苦！酒店裡面每間房都有浴缸，浴室好寬敞光猛。

九樹精品酒店明洞2

九樹精品酒店明洞2有免費嘅乾衫、洗衫服務，仲設有商務空間，配備會議場地同3間會議室，喺首爾有商務需要嘅你可以考慮揀呢間！

 

👀 睇更多明洞酒店推介

🌃首爾站 / 市廳酒店推介

首爾站 Josun 福朋喜來登酒店

首爾站 Josun 福朋喜來登酒店就喺首爾站附近，只要經過地下通道就可以去到地鐵同首爾火車站，好啱作為去程或者返程當日嘅住宿。
酒店附近仲有出名嘅樂天超市，想買手信或者想食零食都好方便！

首爾車站設計師酒店

由淑明女大站 10 號出口搭電梯出嚟，行一分鐘之內就到得呢間酒店，就算拉大型行李都唔使驚！酒店房間嘅裝修以簡約嘅現代風格為主，部分房間仲有落地大窗可以欣賞首爾城市景觀。

明洞盧米亞酒店

明洞盧米亞酒店喺南大門市場附近，市場入面有好多當地小食、玩具同衫賣，值得去參觀吓韓國傳統市場嘅氣氛。仲有，喺酒店嘅窗外可以睇到南山塔，欣賞靚靚嘅首爾夜景！

 

👀 睇多啲首爾站 / 市廳酒店推介

🌃鐘路 / 清溪川酒店推介

光化門詩拉酒店

首爾光化門詩拉酒店喺景福宮附近，酒店裏面有餐廳同酒吧。酒店職員識講四種語言，包括中文、英文、日文同韓文，辦理入住嘅時候完全唔使擔心語言問題！

上賓酒店

上賓酒店嘅房間好寬敞，就算攤開啲行李箱都仲有空間休息。所有房間都鋪咗木地板，等你喺旅程中都可以感受到好似返到屋企嘅溫暖感覺。

首爾阿米德酒店

住喺首爾阿米德酒店有好多食嘢嘅選擇，酒店裏面就有兩間餐廳同一間咖啡廳！仲有提供健身房設施，想喺旅行期間抽時間運動、健身嘅人可以盡情使用。

 

👀 睇多啲鐘路酒店推介

🌃弘大 / 新村酒店推介

弘大智選假日酒店 – IHG 旗下酒店

首爾弘大智選假日酒店 – IHG 旗下酒店提供早餐 自助餐（每朝 6:30 至 9:30），可以喺酒店入面慢慢享用完先開始當日嘅行程。酒店好近韓國年輕人經常行嘅弘大商圈，啱晒鍾意行潮牌、文創小店嘅你！

9 號布瑞克酒店

9 號布瑞克酒店有咖啡店／酒吧，等你可以喺酒店入面慢慢歎杯嘢！如果你有好多行李，酒店仲提供巴士站接駁車服務（要收費）。

弘大設計師酒店

酒店提供24 小時嘅接待服務，等搭夜機嘅人都可以安心入住！弘大設計師酒店嘅皇家套房仲有一大片窗可以睇到首爾市區嘅景色。

新村站和梨大站 H 大道酒店

新村站和梨大站 H 大道酒店好近熱鬧嘅新村站同梨花女大站。仲有，3歲或以下嘅細路仔同父母、監護人一齊住就可以免費入住！

 

👀 睇多啲弘大酒店推介

🌃東大門酒店推介

首爾東大門彩鴻酒店

想去廣藏市場買棉被嘅遊客，可以考慮揀首爾東大門彩鴻酒店，呢度同廣藏市場好近，設有24 小時健身中心，而且行路去東大門歷史文化公園站只係需要 3 分鐘！

東大門天空花園酒店 1 館

東大門天空花園酒店 1 館都係喺廣藏傳統市場附近，仲有區內接駁車，可以載你去首爾啲景點！酒店亦都提供免費嘅乾洗／洗衫服務，等你可以將啲衫洗得乾淨淨再帶返屋企。

東大門 2 號東橫 INN

首爾東大門 2 號東橫 INN 喺朝早 7:00 至 9:30 有免費自助早餐，仲有24 小時嘅接待處同埋行李寄存服務，住宿環境非常方便！

 

👀 睇多啲東大門酒店推介

🌃江南 / 汝矣島酒店推介

麻浦樂天城市酒店

喺首爾麻浦區嘅麻浦樂天城市酒店，設有室內游水池同健身設施，等你可以喺首爾市區享受豪華嘅住宿體驗！由酒店搭巴士去觀光景點汝矣島只需要15分鐘！

麻浦格蘭德酒店

麻浦格蘭德酒店去首爾必去嘅漢江公園只需要10幾分鐘車程！酒店仲有餐廳、酒吧同咖啡廳，想食乜嘢呢度都可以一次過滿足你！

 

首爾萬豪費爾菲爾德酒店

首爾萬豪費爾菲爾德酒店提供多種服務，包括健身室、免費乾洗／自助洗衣等。酒店近大型購物中心永登浦時代廣場，等你逛完街就可以輕鬆返到酒店休息！

格蘭德汝矣島酒店

格蘭德汝矣島酒店入面有2間餐廳，仲有房間送餐服務，等你享受頂級嘅住宿體驗！酒店職員可以用中文溝通，辦理入住好方便。

汝矣島肯辛頓酒店

首爾汝矣島肯辛頓酒店入面有咖啡廳、餐廳同酒吧，喺酒店入面就可以享受好多美食。酒店就喺漢江公園隔籬，仲可以欣賞到夜晚嘅漢江景色！

 

👀 睇多啲江南 / 汝矣島酒店推介