飛往日本旅遊當然唔可以唔去大阪啦！呢個充滿歷史文化同現代感交融嘅城市，每一個角落都散發住濃濃嘅魅力。今日AsiaYo要同大家分享15間必去嘅大阪酒店，唔單止擁有超級好嘅地理位置，可以輕鬆前往各個必去嘅景點，仲有提供例如溫泉、按摩等超療癒嘅服務。心動嘅朋友就一齊出發睇下今日嘅介紹啦！
大阪酒店選址懶人包
講到揀優質嘅大阪酒店真係有好多學問，今日AsiaYo就幫大家準備咗一份詳細嘅大阪酒店選址懶人包，等你無論係想去逛街定係去環球影城，都可以喺酒店訓得夠先出發，開心咁玩一日。
| 推介住宿 | 住宿特色 |
| 🛍心齋橋商店街 | 心齋橋商店街可以話係大阪購物嘅一級戰區，所有流行嘅商品或者係當地小食都可以喺度搵到。揀住近呢度嘅酒店，夜晚隨時想食宵夜都冇問題。 |
| 🚆JR大阪站 | 住喺JR大阪站附近嘅酒店，唔單止係前往車站嘅時間方便，通常車站附近都係好多購物中心同美食嘅集中地，真係唔使驚悶。 |
| 🎢日本環球影城 | 如果唔想額外買環球影城通關券嘅朋友，揀樂園附近嘅酒店就好重要！咁樣你可以比其他遊客用更加快嘅時間到達，唔使擔心排長龍嘅問題。 |
🍜大阪星級酒店推介
📌大阪日航酒店｜精緻餐點
大阪日航酒店就位於關西著名嘅購物街心齋橋旁，行幾分鐘就可以開始盡情購物。食客朋友記得唔好錯過酒店內提供嘅早餐，呢度有西式同日式風味嘅料理，如果想真係體驗當地生活嘅朋友，非常推介可以試下正宗嘅味噌湯同玉子燒呀！
📌大阪喜來登都酒店｜三溫暖溫泉、按摩服務
講到大阪喜來登都酒店嘅設施同有趣程度，完全唔會輸俾附近嘅商圈。唔單止有超Chill嘅溫泉，仲有放鬆嘅按摩服務，喺呢度真係可以感受到滿滿嘅放鬆。
📌大阪十字酒店
呢間酒店對於自由行嘅旅客真係非常友善，位置就喺地鐵站附近，如果想幫家人代購日本零食、雜貨嘅話，唐吉軻德都喺大阪十字酒店對面，完全冇咩浪費時間嘅問題。
📌大阪灣格蘭王子大酒店｜絕美海濱景色
呢間酒店就喺大阪灣旁，只需要由房間嘅透明窗外望出去，就可以睇到一整片蔚藍嘅海灣景色。如果睇住海景都想玩水，酒店內仲有室內外泳池，就算落雨都可以感受到悠閒嘅樂趣。
📌大阪萬豪都酒店
大阪萬豪都酒店嘅房間內設有一整片透明落地窗，到咗夜晚你可以一個人享受浪漫嘅大阪市夜景。房間仲細心嘅準備咗咖啡機，等你一早就可以充滿能量。
📌大阪格蘭比亞酒店
講求便利嘅朋友們，呢間大阪格蘭比亞酒店真係非常啱你哋！呢度近JR大阪站，只要行幾步就可以好快搭到車，酒店入面仲有免費嘅自助洗衣服務，咁你就唔使等返屋企先清洗啲髒衫啦。
📌大阪難波東方酒店
一入到大阪難波東方酒店，就可以感受到呢度好似皇宮咁華麗。房間入面嘅浴室有齊晒所有盥洗用品，而且房間非常寬敞，就算要攤開成個行李箱行嚟行去都好方便！
📌環球影城港口酒店｜鄰近環球影城
由呢間酒店步行返環球影城只需要一分鐘，如果想喺環球影城玩盡所有遊樂設施，但又唔想額外花錢買快速通關券，住呢間酒店就可以提前入場，成為第一批開始玩嘅旅客。
📌大阪三井花園頂級酒店
一入到大阪三井花園頂級酒店的大堂，絕對會俾呢度結合文青同都會風格嘅設計吸引到你嘅目光，唔自覺就想喺入到房間後，趕快把握時間喺呢個地方多影幾張相！酒店內仲有提供基本嘅洗漱用品，咁你就唔需要擔心日常用品嘅準備啦。
📌京阪環球塔酒店｜鄰近環球影城、三溫暖溫泉
來到京阪環球塔酒店，呢度唔單止有可以使用中文溝通嘅服務人員，如果喺環球影城行咗成日腳有啲痠痛，仲唔好忘記去酒店內嘅三溫暖溫泉池放鬆下。
🍜關西經濟型酒店推介
📌心齋橋法拉格酒店
鄰近大阪購物一級戰區嘅心齋橋法拉格酒店，酒店提供免費行李寄放服務，咁你可以輕鬆咁到市區逛一逛。另外，呢間酒店嘅房間有啲特別，佢提供咗好多懸吊衣服嘅衣架，唔論係想掛濕毛巾定係衣服，都唔使驚冇地方擺放。
📌大阪新阪急酒店
座落喺大阪市中心嘅大阪新阪急酒店，行入酒店房間，唔論係窗戶嘅造型定日式嘅桌椅，都可以感受到唔同於城市風格嘅懷舊日本風。
📌御宿野乃難波酒店｜日式溫泉池
講到好多人人嘅日本旅行清單，都少唔少有泡湯呢個活動，而御宿野乃難波酒店由外觀已經展現出濃厚嘅日式湯屋風格，酒店入面仲有道地嘅大眾溫泉池。呢度另一個非常出名嘅就係餐廳現煮嘅拉麵，泡完湯之後嚟碗濃郁嘅拉麵，真係係最極致嘅享受。
📌難波天然溫泉多米頂級酒店 – 別館｜三溫暖溫泉、近心齋橋
嚟到難波天然溫泉多米頂級酒店，呢度因為鄰近大阪地區最出名嘅固力果跑跑人，如果想提早去到卡位攝影最佳位置都唔會太麻煩，拍完照之後，一定要去附近嘅商店街好好探索下大阪本地嘅美食！
📌環球影城近鐵酒店
呢間酒店嘅設計真係好用心，每間房都係由唔同色調嘅主題組成，再配合啲搞笑嘅彩繪同裝飾，入到房就可以感受到滿滿嘅活力！
今日嘅大阪酒店介紹就先到呢度啦！除咗住宿方面嘅準備，今次嚟關西你有冇諗過點樣玩呢？而家AsiaYo平台有啲京都金閣寺半日遊、關西鐵道之旅同京都OKOSHI巴士一日團，都係非常推介嘅行程，咁如果有興趣就快啲嚟平台睇下啦，登入會員仲有專屬優惠。
最新折扣！
AsiaYo APP
AsiaYo.com